Kennarar

Ágrip

Þessi vefur var unninn sem lokaverkefni til B.Ed. gráðu við Kennaraháskóla Íslands á vorönn 2006. Meginmarkmið verkefnisins var að búa til námsefni á vef fyrir unglinga með samþættingu stærðfræði og lista að leiðarljósi. Stefnt var að því að gefa nemendum tækifæri til að skoða, kanna og skapa mynstur á fjölbreyttan hátt, annars vegar með augum stærðfræðingsins og hins vegar með augum listamannsins. Stærðfræðingurinn útskýrir eiginleika hliðrunar, speglunar og snúnings og segir frá samhverfum. Listamaðurinn segir frá tveimur listamönnum, Magdalenu Margréti Kjartansdóttur og Maurits Cornelis Escher, og nokkrum myndum þeirra. Í sameiningu fræða þeir nemendur um mynstur. Mörg verkefni af ýmsum toga er að finna á vefnum. Flest verkefnin tengjast raunveruleikanum og styðjast við smáforrit þar sem nemendum gefst kostur á að vinna gagnvirkt með efnið. Vefurinn var hugsaður sem ítarefni við námsefni unglingastigs í stærðfræði en fróðleikur og verkefni gætu einnig höfðað til annarra aldurshópa. Á kennarasíðum vefsins er að finna ítarlega og fræðilega umfjöllun um samþættingu stærðfræði og lista sem og umfjöllun um stærðfræðinám. Auk þess er þar að finna heimildalista, lista yfir ítarefni og veftré.